முதுமையில் சுமை

தேய்ந்து தேய்ந்து வளர்ந்து வளர்ந்து
அன்றும் இன்றும் அதே நிலா
அதைக் காட்டி அன்னம் ஊட்டி
வளர்த்திட மாதொருத்தி கையில்
பிள்ளைகள் அன்றும் இன்றும்
அற்றை திங்கள் அவ்வெண்ணிலவில்
அவள் தோள்களோ இளம் மூங்கில்
இற்றை திங்கள் இவ்வெண்ணிலவில்
இற்றுப் பொடித்து வலுவிழந்ததுவே
மூட்டும் இடுப்பும் இளைப்பாற எண்ண
இளம்பெண்கள் ஏற்றிய சுமையில்
இக்கட்டொன்றில் நிற்பர் குமைந்து
பெற்றால் பாவம் பிறந்தால் பாவம்
கலிகாலத்தில் எது ரொம்பப் பாவம்