பொறுத்திருப்போமோ

லேசா விடலாமோ இதை
போகக்கூடாத இப்பாதை
புலியைப்பார்த்து பூனை
சூடுபோட்டால் வரி விழுமா
வலியோடு வடுவாகுமா
யானையைப்போல் பூனை
தின்றால் உடல் வளருமா
வயிறு வெடித்துப் போகுமா
ஹாலிவுட் தரத்திற்கு திரையுலகை
அழைத்துச் செல்வதாகச் சொல்லி
இழுத்து செல்வது பாதாளத்திற்கு
தரமறியா கலைச் சேவை
பொறுப்பில்லா பொருளாசை
பிஞ்சு நெஞ்சில் நஞ்சை புகட்டிட
வளரும் கால்களை முடமாக்கிட
நாளைய நாட்டை கோணலாக்கிட
நல்லதோர் வீணையை நலம் கெட
புழுதியில் எரிந்திட பார்த்திருப்போமோ
பிள்ளைகள் சீரழிய அனுமதிப்போமோ
பிழைகள் பெருக பொறுத்திருப்போமோ