நற்செயல்கள்

நிலையாய் நிற்கும் நன்னெறிகள்
நிலையாது சுற்றும் உலகினை
நிலைக்கச் செய்யும் அச்சன்றோ
நற்செயல்கள் நல்ல உரமன்றோ
மனதை பதப்படுத்தும் சுகமல்லவோ
நாளை வரும் நல்ல பலன்கள்
நம்பி நடத்துவோம் நற்பணி
தீங்கனியாம் மாங்கனியை
தின்றபின் கொட்டையை
கொல்லையிலே குழி தோண்டி
கிழவன் சிரமப்பட்டு விதைக்க
பார்த்திருந்தவன் ஏளனமாய்
கனி பறிக்க இருப்பாயாயென்று
கேட்டிட கிழவன் சொன்னான்
பொறுமையாக தாத்தன் தந்தான்
நான் உண்டேன் நான் தந்தேன்
என் பேரன் உண்பான் என்றே
பாவங்களும் புண்ணியங்களும்
பரம்பரை சொத்தல்லவோ
தந்துவிட்டு போவோம் தக்கதை