கரை ஏறும் தீவுகள்

 சுற்றிலும் கடல் சூழ்ந்திருக்க

சுகமாய் கிடந்த தீவுகள்

பத்திரமாய் பரிசுத்தமாய்

ஆபரணமாய் ஆதாரமாய்

ஆனந்தமாய் ஆதுரமாய்

அச்சம் நாணம் மடம் பயிர்ப்பு

அகழியென பாதுகாக்க

பொலிவுடன் புவி காத்த

தாய்மை பீடங்களின்று

கரை ஏறும் தீவுகள்

உயிரே

சதுரங்கள் கட்டி கருத்தாய் காத்து
வட்டங்கள் போட்டு வாகாய் வளைத்து
கயிறுகள் சேர்த்து இசைவாய் இழுத்து
எல்லைகள் வகுத்து வளமாய் வளர்த்து
புலன்கள் பகுத்து பதமாய் வாழ்ந்து
களங்கள் கடந்து கனவாய் கரைந்து
இறகுகள் முளைத்து இலகுவாய் பறந்து
நினைவுகள் நிலைக்க அகலும் உயிரே