Thursday, November 17, 2016

வெட்கக்கேடு

IndiBlogger - The Indian Blogger Community உலகம் உற்று பார்க்கிறது
ஆஹா ஓஹோ என புகழ்கிறது
மூட துக்ளக் மனம் மகிழ்கிறது
உண்மை என்னவென்று புரியாமல்
அப்பாடா ஒழிந்தது ஒரு போட்டி
வல்லரசு நாடுகளின் நிம்மதி
வலுவான முதலிடத்துக்கு முன்னேறி
புளியை கரைத்தோம் பல நாடுகளின் வயிற்றிலே
சின்னாபின்னமாய் சிதைந்து போகும் 
இப்பெருனாட்டின் பொருளாதாரம்
ஏற்றம் காண்பது எவ்வாறு என்றைக்கு
பகல்கொள்ளைகாரருக்கு பகிரங்க ஆதரவு
பாமர மக்களுக்கு மாற்றாந்தாய் கவனிப்பு
அறிவியல் வளர்ந்த நவீன யுகத்திலே 
கற்கால காட்டுமிராண்டி அறுவை சிகிச்சை
மோசடிக்காரர்களின் மோடி மஸ்தான் வித்தை
கைதட்டி ரசிக்க ஒரு கூட்டம் நாடெங்கும்
ஜனநாயகத்தின் நம்ம முடியா வெட்கக்கேடு

Thursday, November 10, 2016

எது நிரந்தரம்

IndiBlogger - The Indian Blogger Community நல் மருந்தாய் ஆகிடுமோ சித்தாந்தம்
நாலு விதமாய் நாலு பேர் பேசினார்
நலிந்த உலகம் தேறவில்லையே
நம்பியவர் பலர் நம்பாதவர் சிலர்
நல்லொழுக்கத்தை நன்மார்க்கத்தை
நல்ல மேய்ப்பன் மதத்தை ஈன்றாலும்
நவில்ந்தது போதை மிக தந்தாலும்
நாற்புறம் பாதை பிரிந்து நின்றாலும்
நிற்கவில்லை தேடுதல் மன வாடுதல்
நிலையாத உலகில் எது நிரந்தரம்

Thursday, November 3, 2016

நவீன புத்தர்கள்

IndiBlogger - The Indian Blogger Community அருள் வாக்கே உதிர்க்கிறார்
வாழ்க வளமுடன் என்கிறார்
பக்தியும் யோகமும் பெருகியதே
ஆன்மீகத்தில் திளைக்கின்றனரே
மன அழுத்தம் உந்தி தள்ளியதாம்
புது உலகின் போக்குகளின் விளைவாம்
பாவமனைத்தும் செய்த பின்னர் இவர்
பண்ணிய கொடுமைகளுக்கு வருந்தாமல்
பரிகாரம் எதுவும் செய்யாமல் நல்லவராய்
நடமாடும் நவீன புத்தர்கள் எத்தனை பேர்

Tuesday, November 1, 2016

இது என்ன விந்தையோ

IndiBlogger - The Indian Blogger Community சாந்தி கமலா சரோஜா
ராதா விமலா சந்திரா
முகங்கள் நினைவிருக்கு 
பலர் பெயர் மறந்ததே
எங்கே இருக்கிறார்களோ
பள்ளிப் பருவ வசந்தத்தை
அதன் இனிய சுகந்தத்தை
இனிக்கும் தித்திப்பை
அசை போட்டுக்கொண்டா
மகனின் மகவாய் மாறி
பேரர்களின் தோழியாய்
இரண்டாம் குழந்தை பருவம்
மீண்டும் ஒரு வசந்தம்
வேறெப்படி இருக்கும்
தகவல் தெரியலையே
விடை பெற்றனர் சிலர்
வாட்டும் வலியில் சிலர் 
கிழவியும் குழந்தையும்
இணைந்த கலவையாய்
இது என்ன விந்தையோ
IndiBlogger - The Indian Blogger Community