Sunday, July 31, 2011

தன்னம்பிக்கை

IndiBlogger - The Indian Blogger Community
ஊழ்வினை தொடரும் நிழலாய்
முன்னெழுதியது தர்மன் தீர்ப்பு
தவறாது சித்திரகுப்தன் கணக்கு
என்பது ஒரு சாரார் நினைப்பு
தாண்டி வா அதையென சொன்னது
வள்ளுவன் தன்னம்பிக்கை வாக்கு

Saturday, July 30, 2011

காரணம்

IndiBlogger - The Indian Blogger Community
தின்னாது தானமும் பண்ணாது
நாய் பெற்ற தெங்கம்பழமாய்
வீணாய் போகும் பண்டம் நிறைய
சோமலியாக்கள் இருக்கக் காரணம்

ஆயுதம்

IndiBlogger - The Indian Blogger Community
பணியும் போது மட்டும் பயப்படு
பாய்வதில் இல்லாத பயங்கரம்
குழையும் போது பதுங்கியிருக்கும்
நால்வகை ஆயுதம் பெண்புலியிடம்

Friday, July 29, 2011

கேள்வி

IndiBlogger - The Indian Blogger Community
கேள்வி கேட்கச் சொன்னான் சாக்ரடீஸ்
தெளிவு பிறந்தது தத்துவஞானத்தில்
விஞ்ஞானியின் கேள்விகள் கொடுக்கும்
பதில்கள் அறிவியல் வளர்த்திடும்
கேள்வி கேட்காத மனைவிகளை
என்னாளும் ஆண்களுக்குப் பிடிக்கும்

வேண்டாம்

IndiBlogger - The Indian Blogger Community
வேண்டாம் வாதம் விவாதம்
வீம்பு வீண் பிடிவாதம்
வழக்கு விவகாரம் வினை
விரோதம் வெஞ்சினம் விசனம்
விபரீத விளயாட்டு வேதனை
வாழப்போவது கொஞ்ச காலம்

ஓர் ஏற்பாடு

IndiBlogger - The Indian Blogger Community
கசப்பும் இனிப்பும்
பொய்யும் உண்மையும்
வெயிலும் நிழலும்
இன்பமும் துன்பமும்
வலியும் இதமும்
நோயும் ஆரோக்கியமும்
நாணயத்தின் இரு பக்கம்
சேர்ந்தே இருக்கும் லயம்
ஒன்றின் அருமை அறிந்திட
மற்றொன்றென ஓர் ஏற்பாடு

Wednesday, July 27, 2011

சேவை

IndiBlogger - The Indian Blogger Community
வேதனையை ஏன் தருகிறாய்
அத்தை பெத்த அதிரசமே
அசையும் உலகின் அதிசயமே
சித்திரை மாத முழு நிலவே
விலகி விலகிச் செல்லாதே
விருப்பமென்ன சொல்லிவிடு
புலிவால் மீசையா
அணில் வால் மீசையா
மீசையே வேண்டாமா
தனிக்குடித்தனம் வேண்டுமா
துணி துவச்சிப் போடணுமா
சேவை செய்ய காத்திருக்கேன்
காலை சுற்றும் பூனைக்குட்டியை
மடியில் வைத்துக் கொள்ளம்மா

Monday, July 25, 2011

கற்காலம்

IndiBlogger - The Indian Blogger Community
பார் என்று பகட்டுகிறாள்
அணிந்தாலும் கவர்ச்சி
அணியாமலும் கவர்ச்சி
பேதமில்லாமல் பழகுகிறாள்
பொது உடமை கருதுகிறாள்
எடுக்கவும் கொடுக்கவும்
தாராளம் காட்டுகிறாள்
வேலியில்லை விதிகளில்லை
விருப்பம் போல வாழுகிறாள்
ஒளிவுமறைவு ஏதுமில்லை
வெட்கப்பட தேவையில்லை
கற்காலம் காட்டுகிறாள்

Sunday, July 24, 2011

அரிசந்திரா

IndiBlogger - The Indian Blogger Community
பொய்கள் பெருகுமா
நெடுநாள் காக்குமா
மதிப்பை கெடுக்குமா
இதயத்தை கிள்ளுமா
போய்யா அரிசந்திரா
பிழைக்கும் வழியைப் பார்

Saturday, July 23, 2011

கிறுக்கு

IndiBlogger - The Indian Blogger Community
இருக்கு ஒரு வித கிறுக்கு
மேடையில் சாமியாடுது
தவளையாய் குதிக்குது
பறக்க முயற்சிக்குது
போதையில் மிதக்குது
புத்தியை தொலைக்குது
குருபக்தியில் திளைக்குது
ரொம்ப அருவருப்பாயிருக்குது

Friday, July 22, 2011

வெள்ளம்

IndiBlogger - The Indian Blogger Community
வெள்ளம் வருடாந்தர நிகழ்வு சில ஆறுகளுக்கு
அபூர்வம் அதிசயம் ஆனந்தம் எங்கள் வைகைக்கு
கூட்டமாய் ரசிக்கச் செல்வோம் இத்திருவிழாவிற்கு
நுரைத்து இருகரை தொட்டோடும் அழகிய காட்சிக்கு
புகைப்படமெடுத்துப் பாதுகாக்கும் நவீன வசதியிருக்கு
என் வலைமனை படத்தொகுப்பிலது கொலுவிருக்கு

சலிப்பு

IndiBlogger - The Indian Blogger Community
அம்மா இல்லை வீட்டில்
பச்சைக் குழந்தைக்கு
பரிந்து பாலூட்ட
பரிவாய் தலை கோத
பலகாரம் செய்து தர
பாசமாய் கதை சொல்ல
பொலிவாய் இல்லம் மிளிர
பார்த்துப் பேசிடவும்
பல கதை பகிர்ந்திடவும்
பாங்கான தோழியில்லை
புரிதலுக்கு துணையில்லை
பணத்திற்கு முதலிடம்
பெண்ணின் மகுடமெது
பொறுப்பென்பது என்ன
பெற்றவரை பிள்ளைகளை
பார்த்துக்கொள்ள காப்பகம்
பறக்கிறாள் எதைப் பறிக்க
பேரின்பமாம் குடும்பமெனும்
பழத்தை கசக்க வைக்கும்
புது உலக மோகம் தாகம்
புதைத்துவிட்ட இன்பம்
பெயரளவில் இல்லறம்
பார்க்கப் பார்க்க சலிப்பு

Wednesday, July 20, 2011

என் கதை

IndiBlogger - The Indian Blogger Community
ஏற்றும் எஸ்கலேட்டரைக் கண்டு
வியந்து அதன் பின்னர் மிரண்டு
பழகியதும் பயம் சிறிது குறைந்து
நாகரிக ஏணியில் நான் ஏறியது
வளரும் உலகை எட்டிப் பார்த்தது
பெருநகரில் மகன்கள் வாழ நேர்ந்து
வணிக கேளிக்கை வளாகங்களுக்கு
அன்புடன் அழைத்துச் சென்ற போது

எங்கள் சிறிய நகரமிப்போது
ஒரு பெருநகரமாய் வளருது
பளபள துணிக்கடை வரவு
அதை அறிமுகம் செய்தது
அச்சத்தை ஆர்வம் மீறியது
முதன் முதலாய் ஏறியபோது
மக்கள் முகமெல்லாம் பல்லானது
என் கதையும் நினைவில் வந்தது

கடைசியில்

IndiBlogger - The Indian Blogger Community
காதல் கூட்டி வரும்
கள்ளத்தனம் எல்லாம்
காளமேக கவித்திறன்
காணாத கற்பனைகள்
காற்றினும் கடிய வேகம்
கடைசியில் தரை இறங்கும்

Monday, July 18, 2011

பக்குவம்

IndiBlogger - The Indian Blogger Community
பக்குவம் ஒரு தொழில் ரகசியமோ
அதே அஞ்சரைப் பெட்டி அடுப்பு
அதே அளவில் கொட்டி தாளிப்பு
அப்புறமும் அம்மா சமையலில்
அப்படி ஒரு தனி மணம் ருசி
அது என்ன சூட்சுமமோ மாயமோ

Saturday, July 16, 2011

பண்பாடு

IndiBlogger - The Indian Blogger Community
ரூபாயை பத்திரமாய் பெட்டிக்குள்
பெண்ணை பத்திரமாய் வீட்டுக்குள்
பாதுகாப்பது அழகிய நல்ல பண்பாடு
சீரும் சிறப்புமாய் நிம்மதியாய் வாழ்

Wednesday, July 13, 2011

நிம்மதி

IndiBlogger - The Indian Blogger Community
கிடைக்கும் நிம்மதி
மகேசன் தரிசனத்தில்
இமயத்தின் மடியில்
கங்கையின் கரையில்
பாவத்தைக் கரைக்க
யாத்திரை செல்கிறேன்
என்றாள் இளையவள்
இன்னும் கொஞ்சம்
பாவம் செய்துவிட்டு
வருகிறேன் என்றாள்
முன்னால் பிறந்தவள்
எத்தனை கோணங்கள்
எண்ணத்தில் கோணல்கள்?
குழந்தை குணங்கள்!

Tuesday, July 12, 2011

இப்போது

IndiBlogger - The Indian Blogger Community
போனது போகட்டும்
அது முடிந்த கதை
வருவது வரட்டும்
அது வெறும் கனவு
இப்போது வாழ்ந்திடு
இது மட்டும் நிரந்தரம்

நெருப்பு

IndiBlogger - The Indian Blogger Community
சுடும் நெருப்பெது
கோபப் பார்வை
கடுஞ்சொல்
கொள்ளிக்கண்
அதர்மம்
அழுக்காறு
பேராசை
இவை சுடும்
உடனேயோ
பிறகோ
சுரமும் சூடே
எச்சரிக்கை மணியே
உண்மை உரைக்கின்
எளிய விவரம்
சுட்டால் உடம்பு
இல்லையேல் சவம்
சுடும் நெருப்பு
உயிர் மூச்சே

Monday, July 11, 2011

சந்தோஷம்

IndiBlogger - The Indian Blogger Community
சந்தோஷம் மல்லி முல்லை போல
மறைக்க முடியாது மணப்பதை
சுற்றிலும் பரப்பும் ரம்மியத்தை
தனக்கு மட்டுமது சொந்தமில்லை
தழுவ வரும் நிலாக்கால கடலலை
நினைவு வங்கியின் நிரந்தர இருப்பு

போற்றி

IndiBlogger - The Indian Blogger Community
போற்றி வளர்ப்பான் நல்ல தோட்டக்காரன்
செடிகளின் தனித்தன்மை தேவை அறிந்து
நிழலா வெயிலா நீர் விட்டிடும் அளவென்ன
கவாத்து செய்யும் காலமறிந்து ஒடித்து
சீராக நேராக எழிலாக மரம் திருத்தி
தக்க பருவத்தே தீதில்லா உரமிட்டு
அயராத உழைப்பும் கவனமும் குவித்து -
குடும்பமெனும் தோட்டத்து உறவுகளை
அங்ஙனமே பராமரிக்கும் இல்லாளின்
ஞானத்திலே ஞாலம் தளைத்திருக்குமே

Sunday, July 10, 2011

தீயவை

IndiBlogger - The Indian Blogger Community
காந்திக்குப் பிடித்த மூன்று குரங்கு பொம்மை
என் வீட்டு கூடத்தை அலங்கரிப்பதுண்மை
காண்போர்க்கெல்லாம் நினைவூட்ட வேண்டுமது
கண்ணியமான கருத்துள்ள கட்டுப்பாடென்று
ஆயின் ஐயமொன்று எழுகின்றது மனதிலே
கண்ணில் விழுந்த சிறு தூசென உறுத்துது
கூடத்தில் அமர்ந்து தொலைக்காட்சி பார்க்கும்
குரங்கு மூன்றும் கலங்குமோ குழம்புமோ
எப்போதும் ஊமையாய் செவிடாய் குருடாய்
இருந்திடத்தான் வேண்டுமோ கலியுகத்தில்
தீயவை என்பதன் புதுப் புது அர்த்தங்கள்
அனர்த்தங்கள் அரிதாரங்கள் புரியாமலே

Wednesday, July 6, 2011

லாபம்

IndiBlogger - The Indian Blogger Community
குளம் வற்றும் கோடை காலம்
குத்தகைக்காரனுக்கு அது லாபம்
கொத்து கொத்தாய் மீன் பிடிபடும்
கடையில் காத்திருக்கும் கூட்டம்

புதையல்

IndiBlogger - The Indian Blogger Community
நாட்குறிப்பு எழுத புது ஆசை வருது
நாட்டு நடப்பை பதித்து வைக்கணும்
நாளுக்கொரு சேதி புழுதி கிளப்புது
நாகரிகமானது பக்தியும் ஆன்மீகமும்
சாமியும் சாமியாரும் காத்து வந்ததனரே
கருவூலங்களில் கொழிக்கும் கோடி செல்வம்
கொட்டுது கொட்டுது மழை சண்டமாருதமாய்
புதையலென்றால் புதையல் பாரறியாதது
புட்டபர்த்தி நேற்று பத்மனாபர் கோயிலின்று
அரங்கநாதனின் கருடன் பின் பொற்குவியல்
பத்திரிக்கையில் படித்தேன் செய்தி இன்று
என்றும் வளங்கள் நிறைந்தது எங்கள் நாடு

Saturday, July 2, 2011

ஒன்பது

IndiBlogger - The Indian Blogger Community
ஒன்பது உச்சியில் எண் வரிசையில்
ஆளுமை மாண்பு குறையாதது
குறையான பிறவிக்கும் ஏன் அது
குறியீடானது கிரகந்தானா அறிவீரா

Friday, July 1, 2011

கிழவி

IndiBlogger - The Indian Blogger Community
கண் மங்கிவிட்டது
காது மந்தமானது
கோலோடுதான் நடை
மெல்வதற்கு பல்லில்லை
கஞ்சிதான் வயிற்றுக்கு
எல்லாம் தளர்ந்த பின்னும்
கெட்ட புத்தி மாறாமல்
படுத்துகிறாள் கிழவி
IndiBlogger - The Indian Blogger Community