Monday, May 28, 2012

வடிவம்

வயிற்றுக்காக உண்ணமாட்டாள்


வடிவம் காக்க உருகுவாள்

குச்சி குச்சி ராக்கம்மா

சுவரில்லாமல் சித்திரமாIndiBlogger - The Indian Blogger Community

Thursday, May 24, 2012

'Micro'

Finished reading 'Micro', the last novel by Michael Crichton completed by Richard Preston. I feel shell-shocked! Really a terrifying thriller. My awe about science and technology has immensely augmented. I shiver at the horrors that unfolded in the novel holding ominous forecasts about the future of our world and its countries.Two characters rightly say in the end:"...with technology, once a thing is invented, it never gets un-invented.....Killer bots and micro-drones are here to stay. People will die in terrible new ways. Terrible wars will be fought with this technology. The world will never be the same." What a ghastly prediction! The black pronouncement sends a chill down the spine. Sounds stunningly true.




Another passage that found full agreement in the novel is the thoughts in the mind of one of the characters described: "These Americans played with fire. Hydrogen bombs, megapower lasers, killer drones, shrunken micro-people...Americans were demon-raisers. Americans awakened technological demons they couldn't control, yet they to enjoy the power."



An interesting travelogue on the dangerous beauty of Hawaii- loved it tremendously being the hard-core armchair traveller that I am.



Strangely my mind recalled Jonathan Swift's Gulliver's Travels. A vague connection found there!? Perhaps that political satire showed futuristic knowledge of technology unknowingly!!! IndiBlogger - The Indian Blogger Community

Wednesday, May 23, 2012

கணக்கு


கணக்கு போடுகிறான்


கூட்டிக் கழித்து

அழித்துத் திருத்தி

அந்தர் பல்டி அடித்து

கபடதாரி அரசியல்வாதி

கடிமனதாளின் காதலன்

வேட்டைக்காரர் குறி பாவம்

வலையில் மீனாய் சிக்கும் IndiBlogger - The Indian Blogger Community

Tuesday, May 22, 2012

முன்னேற்றம்

சேதி சென்றது பல காதம்


டாம் டாமென தட்டித் தட்டி

பறந்து சென்றது புறாவுடன்

மடித்துக் கட்டிய மடலாய்

கடல் தாண்டியது கடிதத்தில்

விரைந்து வந்தது தந்தியாய்

காதில் சொன்னது வானொலிப்பெட்டி

கண்ணுக்குத் தந்தது தொலைக்காட்சி

கணிணியில் குவிந்திருக்கும் கடல்

உள்ளங்கை அலைபேசியில் இப்போது

விரல் தொடக் கொட்டிடக் காத்திருக்கு

மூளை வளருது துரத்துது முன்னேற்றம் IndiBlogger - The Indian Blogger Community

தேவர் லோகம்

பெரிய பெண்ணா இல்லை சின்ன பெண்ணா


பெரிய குழப்பம் தொடருது என்னுள்ளே

வருடத்தோடு வயது வளரவில்லையோ

வதனபுத்தக பண்ணை விளையாட்டிலே

விதையாக பூ கனி தானியங்களோடு

வானவில்லும் கிடைக்கக் கண்டு விதைத்திட

வயலெல்லாம் வெடித்துச் சிரிக்கும் வானவில்கள்

வியப்பான வெள்ளைக் களிப்பிலெனை ஆழ்த்துதே

நடை தளர்ந்த வயதிலே நான்கும் பார்த்தபின்னே

நடப்பதும் நடக்காததும் மறந்து முன்னம் போல்

கற்பனைகளும் கதைவிடும் விளையாட்டு களங்களும்

களிப்பாக்கி அமுதுண்ட தேவர் லோகம் காட்டுவதேன்IndiBlogger - The Indian Blogger Community

Thursday, May 17, 2012

விடை நீயே

மௌனம் மயான மௌனம்


இருட்டு கருவறை இருட்டு

அடுத்ததும் பொட்டையா

கூசாமல் கொன்று விடு

அல்லது ஓடு அப்பன் வீட்டுக்கு

அடுத்து கட்டப்போகும் மகராசி

பெறுவாள் மகனை புருசனுக்கு

கள்ளிப்பாலும் நெல்லுமணியும்

பழசாகி குளிப்பாட்டி குளிரில்

விறைக்க வைப்பது புது உத்தி

சட்டம் என்ன செய்யும் பாவிகளே

அதி நவீன சோதனைக்குப்பின்

ஓசையின்றி ஒழிக்கும் பட்டணமே

நாலெழுத்து சொல்லித்தர ஏலாதாம்

நகை நட்டு போட வக்கில்லையாம்

வேலியிட்டு பயிரை பாதுகாக்கணுமா

பொய்யாய் புனைய எத்தனை காரணம்

இரண்டாம் தர குடிமகளாய் அழுத்தி

குடி முழுகிப் போகவே குழி பறிக்கிறார்

கண்ணே கண்மணியே கலங்காதே

முடிவில்லா கிரகணமிருந்ததில்லை

வெள்ளி நிலவே வெள்ளை மலரே

விசும்பின் ஒளியே வாழ்வின் சுவையே

வினைகளின் வினாக்களின் விடை நீயேIndiBlogger - The Indian Blogger Community

Monday, May 7, 2012

கலிகாலம்

கலிகாலம்தான் சந்தேகமேயில்லை


காக்கா குருவி மைனா காணவில்லை

குளங்களும் கொக்குகளும் இங்கில்லை

கான்கிரீட் காடுகளில் வாழ்கின்ற நிலை

கரைகளை உடைக்கும் விஞ்ஞான அலை

கட்டிப்போடும் சொகுசுகளின் மாய வலை

கரையும் சுகங்களின் நீளுகின்ற எல்லை

கொடுக்கிறோம் கனவிலுமறியாத விலைIndiBlogger - The Indian Blogger Community

ஆனந்தம்

உயிர்வாழும் போதே சவ நிலை


இல்லையில்லை தவ நிலை

ஆனந்தம் நிர்வாணம் முக்தி

அடி ஆத்தி ஆத்தி

ஆடும் நித்தி நித்தி

அஞ்ஞானமா மெய்ஞானமா

ஆணும் பெண்ணும் ஆடிப் பாடி

அந்தக்கால அந்தப்புரமாகுது

ஆசிரமங்கள் ஊருலகெங்கும்

கோடிகளை அங்கு குவித்த

கூறு கெட்ட மக்கா மக்கா

மானமுனக்கு இருக்கா இருக்காIndiBlogger - The Indian Blogger Community

Sunday, May 6, 2012

சொர்க்கம்

மனிதர்களா பதர்களா


கொதிக்கின்றன கோபத்தில்

நீரும் நிலமும் நெருப்பும்

வானும் வெளியும் கூடி நின்று

மாசுறச் செய்தார் மதியின்றி

அழித்து அவலமாக்கினார் அந்தோ

மூடரிவர் திருந்தவேயில்லை

முடிவதற்கா இந்த சொர்க்கம்IndiBlogger - The Indian Blogger Community

Saturday, May 5, 2012

சாகசமே

உள்ளூர அடைத்த சமாச்சாரங்கள்


சமோசாவின் கிழங்கு மசாலாக்கள்

சீயம் போளியின் தேங்காய் வெல்லங்கள்

சிறிதளவும் சிரமமாயிருப்பதில்லை

பச்சைக் காயும் வடையும் மெயோனைசும்

அடக்கிய பர்கரை தின்பது சாகசமேIndiBlogger - The Indian Blogger Community

Friday, May 4, 2012

கறை

கறை கையில் படிந்துவிட்டதென


கழுவுகிறாள் கழுவுகிறாள்

கழுவிக்கொண்டேயிருக்கிறாள்

கொலை செய்த லேடி மேக்பெத்

அரேபியாவின் அத்தனை வாசனை திரவியமும்

அந்த சின்னக் கையின் கறையை கழுவிட போதாதாம்

குருதியின் வாடை குற்றத்தின் சுமை துயில் தொலைக்கும்

கவிஞரின் மொழியின் அழகும் ஆழமும் அடடா என்னென்பேன்IndiBlogger - The Indian Blogger Community

பகவான்

பெருமாள் பெரிய புத்திசாலி பகவான்


பாவிகளும் அப்பாவிகளும் தேடி வர

பெரிய லட்டும் பெரிய உண்டியலுமுண்டு

பெரிய நாமம் கரிய முகத்தை மறைக்க

பொன்னாபரணங்கள் மலைமேனி மூட

பச்சை கற்பூர தீர்த்தம் துளசி கமழ்ந்திட

போதாததற்கு பொங்கல் புளியோதரை

பிரசாதங்கள் மடப்பள்ளியில் மணக்க

பக்தி காணுது புதுப் புது அர்த்தங்கள்

பரவசமாய் சேவிக்கின்ற அடிபொடிகள்IndiBlogger - The Indian Blogger Community

Thursday, May 3, 2012

ஜன்ம சாபல்யம்

செல்ஃபோனிடமும் டிவி ரிமோட்டிடமும்


தீராத பகையும் வெறுப்பும் தொடர்கிறது

அவற்றை இயக்கும் கம்ப சூத்திரம் மிரட்டுது

கிழட்டுக் குதிரைக்கு புது வித்தை வராது

வேண்டாத, மனம் வேண்டாத அநாவசியங்கள்

கர்ணனின் கவச குண்டலமாய் அனைவர்க்கும் கைபேசி

ஆற்றும் வினைகளோ ஆயிரம் எல்லோர்க்கும் செல்லம்

ஏனோ மயக்கவில்லை என்னை இதுவரைக்கும்

பண்பலை வரிசைகள் பாட்டோடு ஊர் சங்கதியை

பாங்காக வழங்கக் கேட்பதின்பம் எனக்கு

சின்னத்திரை சித்திரங்களோ சித்திரவதைகள்

சீரியல்களில் சிரிப்பாய் சிரிக்கும் கருமங்களில்

சிக்காத சின்ன மீன் மாட்டிக்கொண்டது இணைய வலையில்

இணையில்லா இன்பப் பெருவெளியில் என் ஜன்ம சாபல்யம்

IndiBlogger - The Indian Blogger Community

போதாதா

பாடத்தை பட்டுத்தான் படிக்கணுமா


தீயை தொட்டுத்தான் சூடறியணுமா

பட்டவர்கள் பட்டதை பார்த்தவர்கள்

மூதுரையும் பழமொழியும் போதாதாIndiBlogger - The Indian Blogger Community

Wednesday, May 2, 2012

ஓர் இடம்

கிடைக்கவில்லை ஓர் இடம்


கையிலிருக்கும் திரவியத்தை

கண் காணாமல் ஒளித்து வைக்க

களவு போகாமல் பாதுகாக்க

கசிகிறது வட்டு கருப்பட்டியாய்

கரைகிறது உறைந்த பனிக்கட்டியாய்

காப்பாற்றவே முடியாமல் போகுமோ

கடலில் கரைத்த பெருங்காயமோ

கனவித்தனை நிறைவேறிய இன்பத்தை

கரை சேர்க்கும் கலங்கரைவிளக்கத்தை

கசப்பின்றி கடைசி நொடியை கடக்கவென

கை பிடித்து நடத்தும் தன்னம்பிக்கையை

காற்றில் கரையாத கற்பூரமாய் காக்க

கருவூலமாய் கனிந்த மனமது உதவுமாIndiBlogger - The Indian Blogger Community

Tuesday, May 1, 2012

பேரின்பம்

பாட்டீஈஈ..


செல்லப்பேத்தியின் அபயக்குரல்

ஈரக்குலை பதறியது

என்னாச்சோ ஏதாச்சோ

சின்டிரல்லாவை சித்தெறும்பு கடிச்சதோ

அரோராவுக்கு ஆராரோ பாடணுமோ

பார்பி கண்ணாடியை தொலைத்துவிட்டாளோ

பெல்லாவுக்கு பேரிக்காய் வேண்டுமோ

கூப்பிட்ட குரலுக்கு போட்டது போட்டபடி

ஓடி வந்து நிற்பது பேரின்பம்IndiBlogger - The Indian Blogger Community

பாசம்

ஏதோ ஒரு ரகசியம் ரத்த உறவின் பிணைப்பில்


பிள்ளைகளின் ருசி பெத்தவளுக்குத் தெரியும்

பெத்தவளின் பாசம் பிள்ளைகளுக்குத் தெரியும்

காதங்கள் பிரிக்காத பாலமாய் பிணைத்திருக்கும்IndiBlogger - The Indian Blogger Community
IndiBlogger - The Indian Blogger Community