முன்னேற்றம்

சேதி சென்றது பல காதம்


டாம் டாமென தட்டித் தட்டி

பறந்து சென்றது புறாவுடன்

மடித்துக் கட்டிய மடலாய்

கடல் தாண்டியது கடிதத்தில்

விரைந்து வந்தது தந்தியாய்

காதில் சொன்னது வானொலிப்பெட்டி

கண்ணுக்குத் தந்தது தொலைக்காட்சி

கணிணியில் குவிந்திருக்கும் கடல்

உள்ளங்கை அலைபேசியில் இப்போது

விரல் தொடக் கொட்டிடக் காத்திருக்கு

மூளை வளருது துரத்துது முன்னேற்றம்