பங்கேற்க பொது நியமங்கள் பல மதங்களில் உண்டிங்கு
விரதமிருப்பது அதிலொன்று
வயிறு நிறைய விருந்துண்டு
வருந்துகின்ற உடலுறுப்புகள்
ஓய்வெடுக்க வாய்ப்பல்லவோ
ஊனுக்குள் உய்யும் உயிர்
புதுப்பிக்கும் யுக்தியல்லவோ
சிலிர்த்தெழும் தருணமல்லவோ
முக்கடல் சூழ் குமரிமுனையில்
பாறையொன்றின் மீதமர்ந்து
முழுதாய் மூன்று நாட்கள்
நீரும் ஆகாரமுமின்றி
விவேகானந்தர் விரதமிருந்து
சிகாகோ சென்றடைந்து
சிங்கமென கர்சித்த உரை
உலகெலாம் கேட்டதுவே
புலன் வழி சென்று வீழ்வதும்
புலன் வென்று சாதிப்பதும்
சரித்திரம் புகட்டும் பாடந்தானே
No comments:
Post a Comment