இன்னும் இன்னும் ஆசைகள் இனிக்க இனிக்க நினைவுகள்
மணக்க மணக்க விருந்துகள்
அணைக்க அணைக்க உறவுகள்
தொடரத் தொடர நட்புகள்
சிரித்துச் சிரித்து நெருக்கங்கள்
செதுக்கிச் செதுக்கி சிந்தனைகள்
அரும்ப அரும்ப அதிசயங்கள்
பழகப் பழக ஆழங்கள்
மலர மலர புதுமைகள்
புதுசு புதுசாய் ஆர்வங்கள்
அரிய அரிய வாய்ப்புகள்
அறிய அறிய அனுபவங்கள்
விரிய விரிய வானங்கள்
வளர வளர சிகரங்கள்
சிறுகச் சிறுக துவக்கங்கள்
பெருகப் பெருக ஆனந்தங்கள்
மேலும் மேலும் சாதனைகள்
எத்தனை எத்தனை வினாக்கள்
வியக்க வியக்க விடைகள்
மாறி மாறி விழாக்கள்
குளிரக் குளிர உணர்வுகள்
சின்னச் சின்ன சிலிர்ப்புகள்
பெரிய பெரிய பாடங்கள்
புரட்டப் புரட்ட தாள்களில்
புத்தம் புதிய ஓராண்டில்
புலர்ந்த பொன்னான காலையில்
மீதி முன்னூத்தி சொச்ச நாட்களில்
பொத்தி வைத்த பொக்கிஷங்கள்
பெறப்போகும் பாக்கியங்கள்
எண்ணி எண்ணி மகிழுவோம்
எல்லோரையும் வாழ்த்துவோம்
No comments:
Post a Comment