பொய்கள்

என்புகளுக்காக கவசமாய்
பாதுகாப்பு பெட்டகமாய்
பார்க்க லட்சணமாய்
தசையும் சதையுமாய்
பூசி மெத்தி கடைசியாய்
தோலெனும் உரை மாட்டி
பத்து மாசம் கருவிருளில்
பல்லாண்டு பளீர் ஒளியில்
என விதித்து வந்த மெய்யில்
ஏனோ இத்தனை பொய்கள்

குறையொன்றுமில்லை

 கொண்டாடுவோம் தலை மேல் கூரை உள்ளதென
கும்பி குளிர குடிக்க கஞ்சி தினமும் கிடைக்குதென
கோபமோ தாபமோ பகிர்ந்திட குடும்பம் உளதென
ஊனமின்றி பிறந்த நமக்கு குறையொன்றுமில்லை

கோவில்கள்

 தொழுதிட வேண்டும் தெய்வத்தை
குழுமிட வேண்டும் குடும்பமாய்
தழுவிட வேண்டும் தானங்கள்
எழுதிட வேண்டும் நன்னெறிகள்
கழுவிட வேண்டும் அழுக்குகள்
நழுவிடாத சம்பிரதாயங்கள்
பழுதில்லா கொண்டாட்டங்கள்
இதற்குத்தானே கோவில்கள்

மனக்குரங்கே

 வர வர அதிகமாகுதுன் பிடிவாதம்
எல்லாம் தெரியுமென்ற அகம்பாவம்
சொல் புத்தி சுய புத்தி தொலைந்தது
நில்லாது அலைந்து நிலைதடுமாறுது
பகுத்தறியாது பேசி கொட்டமடிக்குது
அடக்கமுடியாதென் மனக்குரங்கே

புதியது

 சுவை இது புதியது
தேனாய் இனிக்குது
தனிமையே சுகம்
சாதனையே தவம்
பூட்டுகள் உடைந்து
அச்சங்கள் மறந்து
துணை தயவின்றி
அணங்கின் காலம்

Be natural

 Be natural is the new mantra

Parade not like lifeless mummies

Masked in fakes and makeups

No more artificial beauty aided

With synthetic scents and dyes

And a smartly tailored structure

Explore and enjoy the original glory

Of the skin’s own smell and texture

Unharmed by unwanted care and cure

Lo! The inner soul’s light glows bright

Through each and every feature no doubt

Be Nature’s child, not a made-up creature.