பாடப் பிறந்தேன்
சிறகை விரித்தேன்
வானை வளைத்தேன்
என் இசை கொம்புத் தேன்
குழைந்தேன் கொஞ்சினேன்
இழைந்தேன் இளகினேன்
சிரித்தேன் சீண்டினேன்
சித்து வேலை செய்தேன்
இதய நரம்பை மீட்டினேன்
எல்லா உணர்வும் தொட்டேன்
தட்டி எழுப்பினேன் உற்சாகத்தை
தாலாட்டி உறங்க வைத்தேன் சோகத்தை
எழு ஸ்வர நாயகன்
நாத பிரம்ம வித்தகன்
இசையின் ரசிகன்
இமாலய சாதகன்
அடித்தேன் என்றும் ஆனந்த கும்மி
யாரோடும் சேரும் ஜோரான ரம்மி
திகட்டாத ராகங்கள்
தெய்வீக பாவங்கள்
தீராத விருந்துகள்
வற்றாத அருவிகள்
மூச்சு விடாமல் பாடினேன்
முழு வானை கடந்துவிட்டேன்
களைத்த சிறகை மூடுகிறேன்
களிப்புடனே தூங்கப்போகிறேன்
