இன்னொன்று

இன்னொன்று கேட்டால் பாராட்டு
பள்ளியறையில் மனைவிக்கு
சாப்பாட்டுத் தட்டில் தாய்க்கு
மேடையில் கலைஞருக்கு
ரசனை இருந்திட்டால் விருந்து
ஆசையில் நிறையும் மனது

சுதந்திரப் பறவை

ஐதீகம் மனையாள் முன் எழுவது
அது இன்று முடிந்து போன கதை
வாசலில் கோலம் போடுவதில்லை
அடுக்குமாடி குடியிருப்பில் விடுதலை
பூவும் பொட்டும் வளையும் சுமை
பெண் ஆனாள் சுதந்திரப் பறவை

அடையாளம்

எப்போதும் அலங்காரம்
எதற்கும் குதர்க்கம்
எதிலும் அவசரம்
எங்கேயும் இரக்கம்
எத்தனை அடையாளம்
எங்குல பெண்களுக்கு

என் பேத்தி

விதை ஒன்று போட்டால்
சுரை ஒன்று முளைப்பதில்லை
என் பேத்தி என்னைப் போல்
அவள் ஒரு மதுரை மீனாட்சி

பதில்

பதில் வந்தது வேகமாய்
சுவற்றில் அடித்த பந்தாய்
அடுக்களையில் வீசும் புயல்
ஆத்திரம் பாத்திரங்கள் மேல்
'ணங்' என்றது போர் முரசு
நாராசமான எச்சரிக்கையது
கண்ணாட்டியை ஏசும் முன்பு
கணவன் யோசிக்க வேண்டாமா

பகுத்தறிந்தால்

செய்ய முடிந்த காரியம் எத்தனையோ
களிமண்ணை பிசைந்து கலையாக்கலாம்
செய்ய முடியாத வினைகளிங்கு பல பல
நாயின் வாலை நிமிர்த்திடவே முடியாது
செய்ய முடிந்ததையும் முடியாததையும்
பகுத்தறிந்தால் தன்னால் தீரும் கவலை