Monday, May 16, 2011

யோகம்

IndiBlogger - The Indian Blogger Community
புத்திசாலிகள் ஆவதுண்டு கோமாளிகள்
பூனைகளுக்கு தனித் தனி வாசல் செய்து
வலது இடது பைக்குள் தவளை ரொட்டி மாற்றி
அல்லது அறிவோடு தந்திரம் கொஞ்சம் கலந்து
பணத்தை சேர்த்து பாதுகாத்துப் பெருக்கியும்
புகழை இலகுவாய் கைத்தடிகளால் வளர்த்தும்
உயரங்கள் தொடலாம் வியர்வையின்றி விந்தையில்லை
பெரிய படிப்பும் பட்டமும் வேணா போதும் நல் யோகம்

Sunday, May 15, 2011

சுகமாய்

IndiBlogger - The Indian Blogger Community
மயக்கம் சூழ்ந்தது சுகமாய்
மறந்தது வெயில் சுத்தமாய்
மணலில் கால் புதைய அலையில்
மனமகிழ்ந்து நின்றிருந்தபோது
மக்கள் கூட்டம் ஆரவாரிக்க
மொத்தமாய் கவலைகள் பறக்க
மாறாத ஈர்ப்பினை மறுபடியும்
மறக்காமலுணர்த்திய மெரினா

மெரினா

IndiBlogger - The Indian Blogger Community
மெரினா ஒரு மௌன சாட்சி என்றும்
தேங்கா மாங்கா பட்டாணி சுண்டல்
வறுத்த கடலை சோளக்கதிர் மீன்
வகை வகையாய் குடித்து உண்டு
ராட்டினம் கிளி ஜோசியம் ரசித்து
தொடுவானம் வரை நீளும் கனவு
இன்பம் துன்பம் இரண்டும் பகிர்ந்து
கடல் நீரில் கண்ணீரை கரைத்து
புது அத்தியாயம் எழுத எழுந்து
துவக்கமும் முடிவும் அரங்கேற்றி
அமைதியாய் அப்பாவியாய் கிடக்கும்
நீண்ட அதிசய அழகிய மர்மமே

வரமல்லவோ

IndiBlogger - The Indian Blogger Community
முதுமை ரசிப்புக்கு கூர் தீட்டுமோ
மாயாஜாலெனும் கேளிக்கையரங்கிலே
பறக்கப் பழகாத நீலக்கிளியும்
புத்திசாலி பெட்டை நீலக்கிளியும்
பல வித சாகச அனுபவம் தாண்டி
ரியோ நகரத்து திருவிழா அமளியில்
அனுபவித்த அமர்க்களம் எத்தனை
நண்பர்கள் உவந்து உதவியதில்
தீயவர்களை அதகளம் செய்தே
அரிய அருகிய இனத்து பறவைகள்
காதலில் விழுந்து கனிந்து மகிழ
முப்பரிமாண வேடிக்கையை வியந்து
பேரப்பிள்ளைகளுடன் கண்டு மகிழ்திட
காலம் கனிந்து வந்தது வரமல்லவோ

Wednesday, May 11, 2011

மாரி

IndiBlogger - The Indian Blogger Community
அழுமே அந்த வானம்
ஐப்பசி கார்த்திகையில்
அதிரடியாய் கொட்டி
ஆவணி புரட்டாசியில்
ஆலங்கட்டியாய் சித்திரையில்
ஆண்டு முழுக்க மாரி
அவதாரம் மட்டும் மாறி
அதிலே செழிக்குது பூமி

அரங்கேறும்

IndiBlogger - The Indian Blogger Community
அழகாய் அரங்கேறும்
ஆழமாய் சிந்தித்து
அகலமாய் கணித்து
அதிகமாய் திட்டமிட்டு
அர்த்தமுடன் உழைத்து
அருமையாய் அடைகாத்தது

Monday, May 9, 2011

திருப்தி

IndiBlogger - The Indian Blogger Community
திருப்தி கடையில் விற்பதில்லை
வரிசையில் நின்று வாங்கிச் செல்ல
வரமாய் வாங்கி வரவேண்டுமதை
வளமாய் வாழ்ந்து விடை பெற்றிட

Sunday, May 8, 2011

பிழையில்லை

IndiBlogger - The Indian Blogger Community
எந்தக் காலத்திலும்
மேற்கே சூரியன் உதிப்பதில்லை
கோழி கூவப் பழகியதில்லை
கருப்பை ஆணுக்குள் வளர்வதில்லை
பருவம் தப்பி பூத்தலில்லை
மாறாத அமைப்பிதில் பிழையில்லை

Saturday, May 7, 2011

ஆச்சர்யமாய் பார்

IndiBlogger - The Indian Blogger Community
ஆச்சர்யமாய் பார்
அழகான சூரியோதத்தை
அன்றலர்ந்த பூவை
ஆகாயத்து மேகத்தை
அதில் பறக்கும் காகத்தை
அடுத்த விட்டு குழந்தையை
அன்றாடம் பார்த்தாலும்
அதிசயமாய் தோன்றும்
அலுக்காத நிகழ்வுகள்
ஆனந்தத்தின் கதவுகள்

தலைவலி

IndiBlogger - The Indian Blogger Community
அரசியல்வாதியாக மாறினாள்
அன்று போரில் துணை நின்று
தேர் சக்கரத்தில் விரல் கொடுத்து
வென்று சாதித்து வரமிரண்டு பெற்று
பல்லாண்டு சென்றபின் தக்க சமயத்தில்
மகனுக்கு அரியணை கேட்ட கைகேயி
பல தாரம் பல மக்கள் என்றால் இங்கு
என்றும் தொல்லை திருகும் தலைவலி

Friday, May 6, 2011

குதூகலம்

IndiBlogger - The Indian Blogger Community
கெடும் வாடிக்கைப் பணி
பயணம் செய்யும் போது
கூடும் இன்பம் வெகுவாய்
பேரன்களுடன் விடுமுறை
கொண்டாடத் துவங்கியதும்
விழாக்கால குதூகலம் இது

காட்டுமிராண்டிகள்

IndiBlogger - The Indian Blogger Community
வேலையை மட்டும் செய் என்று விரட்டுகிறார்
ஆயக்கலை அறுபத்தி நான்கும் கற்றவளிடம்
சகலகலாவல்லியாய் சுடராய் திகழ்பவளிடம்
விரல் சொடுக்கி ஏவிடும் காட்டுமிராண்டிகள்

Thursday, May 5, 2011

தர்மம்

IndiBlogger - The Indian Blogger Community
பாவம் ஏணி
ஏற்றுவது வேலை
நகராது நின்று
கடமையை செய்
பலனை எதிர்பாராதே
கண்கூடான தர்மம்

Wednesday, May 4, 2011

சக்கரம்

IndiBlogger - The Indian Blogger Community
சிவக்கிறது தெருவெல்லாம்
குருதி பெருகியோடியதில்
தலைகள் உருண்டோடிடும்
அகந்தையும் ஆணவவும்
அரியணை தொலைக்க
சமுதாய நீதி தர்மம்
புதிதாய் அங்கே பிறக்க
பொற்காலம் சில காலம்
சக்கரம் நிற்காது சுழல்கிறது
மறுபடியும் ஓடுது ரத்த ஆறு

Tuesday, May 3, 2011

ஏன்

IndiBlogger - The Indian Blogger Community
வானம் ஏன் அழுகிறது
அடை மழை பெய்கிறது
சந்திரனை சலவை செய்து
உலர்த்திய கவிதை வரிக்கா

தேடல்கள்

IndiBlogger - The Indian Blogger Community
தேடல்கள் ஏராளம்
எங்கேயும் எப்போதும்
தொலைந்த திருகாணிக்கு
மறந்த சாவிக்கு
மணமக்கள் தேவைக்கு
மனம்கவர் நட்புக்கு
கடற்கரை மணலிலே
இணைய தள சேவையிலே
புதையல் கிடைக்கலாம்
புதைந்தும் போகலாம்
காத்திருப்பது என்ன
அறிந்தவர்தான் யாரோ

Monday, May 2, 2011

கோவில்கள்

IndiBlogger - The Indian Blogger Community
மாம்பழத்தையும் நாரதர் பகடையாக்க
பரமசிவன் குடும்பத்தில் தகராறு
பந்தயம் பாகப்பிரிவினை பிரச்சினை
பக்தர்க்கு கோவில்கள் பஞ்சமில்லை

Sunday, May 1, 2011

திரை

IndiBlogger - The Indian Blogger Community
சிரிப்பு ஒரு திரை
அழகாய் மறைக்கும்
உள்ளத்து உணர்வை
உலை கொதிப்பதை
வலி வாட்டுவதை
வினை விளைவதை
நாகரிக ஒப்பனை
போலி வெளிப்பூச்சு
அறிவார் தேர்ந்தவர்
எளிதில் ஏமாறாதவர்
IndiBlogger - The Indian Blogger Community