Saturday, April 30, 2011

பட்டிமன்றம்

IndiBlogger - The Indian Blogger Community
மனதில் நடக்குது பட்டிமன்றம்
கெஞ்சுவதா மிஞ்சுவதா
கொஞ்சுவதா குழைவதா
சாம தான பேத தண்டத்தில்
இந்தக் கணம் இவனை வெல்ல
துரிதமாய் துணிவாய் முடிவெடு

Friday, April 29, 2011

கடிகாரம்

IndiBlogger - The Indian Blogger Community
கடிகாரம் நின்றுவிட்டதா
எத்தனை தரம் பார்ப்பது
கடினமானது காத்திருப்பது
கடிகார முள் பறக்கிறதே
அதற்குள் பிரிய வேண்டுமா
கடிகாரம் என்னவோ ஒன்றேதான்

Thursday, April 28, 2011

நாணம்

IndiBlogger - The Indian Blogger Community
நாய்க்கு வேணும் நாணம்
நங்கைக்கு அல்லவாம்
புரட்சிப்புலவன் வாக்கு
பிழையாய் போனதின்று
அர்த்தமும் அனர்த்தமும்
அறிந்திட ஒரு வாய்ப்பு

Wednesday, April 27, 2011

சாதிக்கும்

IndiBlogger - The Indian Blogger Community
காத்திருப்பதில்லை
கண்ணீர்த் துளிகள்
கன்னத்தில் வடியும்
காரியம் சாதிக்கும்

Monday, April 25, 2011

பயணம்

IndiBlogger - The Indian Blogger Community
எல்லாம் தெரிந்தவர் இல்லை
எல்லாம் புரிந்தவர் இல்லை
எல்லாம் உணர்ந்தவர் இல்லை
எல்லாம் கண்டவர் இல்லை
எல்லாம் வென்றவர் இல்லை
எல்லாம் இன்பமயந்தான்
இயற்கையோடு நடந்தால்
இடரின்றி பயணம் முடியும்

Sunday, April 24, 2011

பல்லவி

IndiBlogger - The Indian Blogger Community
அம்மாவின் கைமணம்
மீனானம் தேனானம்
மனைவியும் நிபுணிதான்
ஆனாலும் ஒரு படி கீழே
மருமகளே மருகாதே
மாமியார் ஆனதும் பார்
மகன் பல்லவி தொடர்வான்
மருமகள் பல்லைக் கடிப்பாள்

Saturday, April 23, 2011

அறிவு

IndiBlogger - The Indian Blogger Community
அறிவு ஒரு ஆயுதம்
செதுக்கு உன் வாழ்வை
செம்மையான முறையில்
சீரான நேர்பாதையில்
விலகட்டும் அஞ்ஞானம்
விரியட்டும் கண்ணோட்டம்
வேண்டும் ஆக்கபூர்வம்
வேண்டாம் வீண் ஆராய்ச்சி
விளைவுகளை நினை
விழிப்புடன் முன்னேறு

ஆசை

IndiBlogger - The Indian Blogger Community
சமமா சரிசமமா நிசமா
உமையொரு பங்கனா
உடலிலும் மனதிலும்
உரிமை கொடுப்பவனா
ஒருவன் வருவானா
ஒவ்வொருத்தியின் ஆசை

Friday, April 22, 2011

தெரியவில்லை

IndiBlogger - The Indian Blogger Community
தெரியவில்லை
இரவா பகலா
இனிப்பா கசப்பா
இசையா இரைச்சலா
இடரா உதவியா
இதெல்லாம் இலக்கியமா
இத்தனை சுதந்திரமா
இன்னும் என்னென்னவோ
இருட்டுது வெருட்டுது
இணையம் தஞ்சம்

மீண்டும்

IndiBlogger - The Indian Blogger Community
சந்தோஷத் தருணங்களில்
விசேஷ கணங்களில்
விழாக் காலங்களில்
விகசித்த முகங்களில்
வெளிச்சம் தெரிகிறதே
வெள்ளி முடி மின்னுகிறதே
வெள்ளைச் சிரிப்பு பூக்கிறதே
புதுசாய் மீண்டும் பூக்கிறதே
புகைப்படங்களாய் பிடித்ததை
பார்க்கின்றபோதெல்லாம்

Wednesday, April 20, 2011

தெளியுமா

IndiBlogger - The Indian Blogger Community
டொய்ங்க்
தன்னிச்சையாய் தந்தியை மீட்டுகிறது விரல்
மேகக்கூட்டமாய் உருமாறி அலையும் மனம்
எண்ணாத எண்ணமெல்லாம் எண்ணி தடுமாறும்
எதை எடுப்பது எதை விடுவது தீராத குழப்பம்
மதில் மேல் பூனையாய் நிற்கும் ஊசலாட்டம்
குழம்பிய குட்டை தெளியுமா மீன் தெரியுமா

Tuesday, April 19, 2011

பிம்பம்

IndiBlogger - The Indian Blogger Community
பிம்பம் நிசத்தின் பிரதிபலிப்பு
என்பதுதான் சராசரி கணிப்பு
இருக்கு கற்பனையின் பங்களிப்பு
கண்ணாடியில் என் முகம் அழகு

Monday, April 18, 2011

வலி

IndiBlogger - The Indian Blogger Community
ரணத்துடன் கைகோர்த்திருக்கும் வலி
ஆறிய பின்னும் மிச்சமிருக்கும் வடு
ஆற மறுக்கும் ஒரு சில காயங்கள்
பச்சைப் புண்ணாய் பல கசப்புகள்
உள்ளிருந்து வாட்டும் வேதனைகள்
ஏமாற்றும் முகத்தின் புன்சிரிப்புகள்

Sunday, April 17, 2011

என்ன

IndiBlogger - The Indian Blogger Community
என்ன என்று தெரியாத வரை ஆர்வம் இருக்கும்
ஆராய்ச்சி தொடர்ந்திருக்கும் சுவையிருக்கும்
அதனால்தானோ அளவற்ற மர்மங்கள் புதிர்கள்
இயற்கையில் வாழ்கையில் மனதின் மாற்றங்களில்

திருவிழா

IndiBlogger - The Indian Blogger Community
வைராக்கியம் தொலத்த ஓர் இனம்

வெக்கமில்லாமல் குடிக்குது

மகிழ்ந்தாலும் குடிக்குது

துக்கத்திற்கும் குடிக்குது

உளருது உருளுது பிறழுது

குடும்பஸ்தன் குடிக்கிறான்

எத்தனை நாள் அடி வாங்குவாள்

தனியே பாரம் சுமக்கிறாள்

தந்தை நிழலில்லா குழந்தைகள்

கல்லூரி வாலிபன் குடிக்கிறான்

புதிய கலாசாரம் படைக்கிறான்

பள்ளிச் சிறுவன் ருசிக்கிறான்

என்ன மிஞ்சும் சாதனை களத்தில்

சோதனை இது கொடியது

குடியை வளர்த்த ஓர் அரசு

தொடர்ந்து காக்கும் அடுத்த அரசு

வற்றாத ஊற்றாக வருமானம்

கோடிகளில் கொட்டிக் கொடுக்க

இலவசங்கள் அள்ளி வழங்க

பெருகியோடும் மதுக் கடலில்

பாழாய் போகும் தலைமுறைகள்

யாருக்கு இங்கு அதில் அக்கரை

யாவரும் அறிந்ததே இச்சீர்கேடுகள்

ஆற்றை கண்டேனா அழகரைச் சேவித்தேனா

என்றிருக்க முடியாத மதுரைக்காரி

ஊரெங்கும் திருவிழா விமரிசையாய்

Saturday, April 16, 2011

நாகரிகம்

IndiBlogger - The Indian Blogger Community
பார்க்கிறேன் பாரெங்கும்
பகைவரிடம் நட்பு
பளீரென்ற சிரிப்பு
பொதுவிடத்து நடிப்பு
பரிவான விசாரிப்பு
போலியான பூச்சு
பொய்யான பேச்சு
பழகும் பாங்கு
பெயர் நாகரிகம்
போற்றலாம் இதை

Friday, April 15, 2011

செல்லமாய்

IndiBlogger - The Indian Blogger Community
இளநீர் தண்ணி இளைய மகள்
ஏழாவதாய் பிறந்த என் அன்னை
மகிழ்ந்து சொல்வது செல்லமாய்
தந்தையிடம் சீராடியதை எண்ணி

கிழடு

IndiBlogger - The Indian Blogger Community
வீடு போ போங்குது
காடு வா வாங்குது
பெருசுகள் சொல்லில் அலுப்பு
பொழுதுக்கும் பேசும் புரணி
மனம் முழுக்க வினை வம்பு
மரியாதை தகும் வயது
அதனால் தப்பிக்கும் தவறு
இப்படியும் இருக்கு சில கிழடு

Thursday, April 14, 2011

இயல்பாய்

IndiBlogger - The Indian Blogger Community
இல்லை இன்று இலக்கணம்
இயல்பாய் மலர்ந்து காய்த்து
இனிப்பாய் கனிந்த காட்சி
பொருத்தமான பருவத்தில்
பூக்காத மணக்காத சூல்கொள்ளா
பொருள் தேடும் பெண்பூவில்
இருக்கிறதா ஈர்க்கும் அழகோ
இனம் வளர்க்கும் சாரமோ

Wednesday, April 13, 2011

காலம் இது புதிது

IndiBlogger - The Indian Blogger Community
ஆட்டம் போட்டோம்
அன்று பாட்டி வீட்டில்
கோடை விடுமுறையில்
கூட்டமாய் உறவினர்
கற்றோம் பல விஷயம்
கூட்டமில்லை இன்று
கலையும் திறனும் கற்பிக்க
களமிறங்கும் மையங்கள்
காசினை குவித்திட
காலம் இது புதிது
குழந்தைகள் வளரும்
களமும் சவாலானது

இன்றைய அம்மா

IndiBlogger - The Indian Blogger Community
அப்பாவுக்கு இன்று தாய் வேஷம்
வக்கணையாய் சமைத்து ஊட்டி
விளையாடிக் களித்துப் பின்னே
கதை சொல்லி தூங்கவைத்து
முழு நேர பிள்ளை வளர்ப்பு
பொறுப்பான வீட்டு பராமரிப்பு
இதுவும் புருஷ லட்சணமென்று
இன்றைய அம்மா காட்டுகிறாள்

Tuesday, April 12, 2011

மோகினியே

IndiBlogger - The Indian Blogger Community
சாய்ந்ததுவே சாம்ராஜ்யம்
சாகச ராணியின் சிரிப்பில்
பெண்பால் கவர்ச்சி வீழ்ச்சியா
பலியானார் விசுவாமித்திரரும்
சுட்டுவிரலில் ஆட்டி வைக்க
சுண்டெலியாய் ஆணை மாற்ற
வரம் வாங்கி வந்தவள்தான்
வரலாறு உரைக்கும் உண்மை
மோகினியே அமுதினைத் தா
மோகத்தால் ஆணை அழிக்காதே

Sunday, April 10, 2011

பார்வையின் கோணம்

IndiBlogger - The Indian Blogger Community
புதிரா இருக்கேன்னு
புத்திசாலி நினைச்சான்
பழம் ஏன் கீழே விழுது
புவி ஈர்ப்புன்னு புரிநது
பார்வையின் கோணம் தருது
பதிலை பொருளை பூரணத்தை

நம்ப முடியவில்லை

IndiBlogger - The Indian Blogger Community
நினைவுத் திரையில் நிழலாடிய உருவமோ
தவழும் அழகிய கொழுக் மொழுக் குழந்தை
நேரில் நிற்கிறான் மீசையுடன் ஆறடியில்
நம்ப முடியவில்லை நான் கிழவியானதை

Saturday, April 9, 2011

போச்சு

IndiBlogger - The Indian Blogger Community
போச்சு போயே போச்சு
பூவும் பொட்டும் புருவமும்
பட்டு பாவாடை புடவையும்
கருநாகம் போல் சடையும்
நளினமான நடை அழகும்
பெண் அடையாளமத்தனையும்

பிள்ளைகள் போல்

IndiBlogger - The Indian Blogger Community
சிரிப்பன்றோ விதை போட்டது
திரௌபதி சிரித்தாள் முன்னம்
பாரதப் போரில் அது முடிந்தது
ஏளனம் எள்ளல் பரிகாசமில்லாமல்
கள்ளம் கலக்காமல் சிரித்தால்
பிள்ளைகள் போல் குதூகலந்தான்

Friday, April 8, 2011

தேவதைகள்

IndiBlogger - The Indian Blogger Community
தேவதைகள் பெரியவர்க்கு பரிச்சயமில்லை
சிறுமிகளுக்கோ நெருங்கிய தோழிகளன்றோ
மாற்றாந்தாயும் அவள் மகள்களும் தடுக்க
அதைத்தாண்டி மன்னர் அளித்த விருந்துக்கு
எலிகள் பரிகளாகி பூசணி சாரட்டை இழுக்க
அழகிய பதுமையாய் அதிலமர்ந்து சென்று
சின்டிரல்லா இளவரசன் மனம் கவர்ந்தாடி
கண்ணாடி செருப்பின் துப்பிலே இறுதியில்
மணம் முடித்து அரண்மனை புகுந்த கதை
அறியாத சின்னச் செல்லங்கள் உண்டோ

Thursday, April 7, 2011

பணி

IndiBlogger - The Indian Blogger Community
வெறியாட்டம் போடும் சூறாவளி காற்று
வேரோடு மரங்களை பிடுங்கும் மதயானை
ஊவென ஊளையிடும் ராட்சத ஓநாய்
வெட்டும் மின்னலோடு கொட்டும் மழை
இயற்கையின் ஊர்த்தவ தாண்டவமோ
அழித்து கழித்து துடைக்கும் பணியோ

ஆர்வம்

IndiBlogger - The Indian Blogger Community
ஆர்வம் அடிக்கடி கோளாறாகுது
அத்து மீறிப் போக துடிக்குது
மூடிய அறைக்குள் எட்டிப்பாக்குது
தடை செய்யப்பட்டதை நோங்குது
ஆப்பிளைக் கடித்த ஆரம்பமே
விபரீதமாய் இன்றும் தொடருது

Monday, April 4, 2011

பக்குவம்

IndiBlogger - The Indian Blogger Community
நன்மை -குவியும் கோடிகள்
உலகளாவிய ஒளிக்குளியல்
நீல நிறம் வெல்ல வேண்டி
விரதம் இருக்காத குறை
முட்டாள் பெட்டி முன்னமர்ந்து
முழு முனைப்போடு ஆதரித்து
நடுநிசியில் இனிப்பு வழங்கி
தீபாவளி கொண்டாடி வெடித்து
மதுவை பீச்சியடித்து மகிழும்
முகங்களைக் கண்டு பசி மறக்கும்
பாமரப் பக்குவம் வாய்க்கலையே

உடற்பயிற்சி மையம்

IndiBlogger - The Indian Blogger Community
தோன்றியது மனதில் துணிவு
மறைந்தது மருகும் தயக்கம்
நடை பழக அருகில் இடமில்லை
சாலையில் போக்குவரத்துத் தொல்லை
கொழுப்பை குறைத்தே ஆக வேண்டும்
கை நீட்டி வரவேற்றது அருகிருக்கும்
மகளிர் உடற்பயிற்சி மையம் ஆகா
இனி அழகும் ஆரோக்கியமும் எனதே

Sunday, April 3, 2011

ஏமாற்றம்

IndiBlogger - The Indian Blogger Community
ஏமாற்றம் தரும் பாதிப்பு இரண்டு
முகம் கூம்பி சோகம் மனதுக்குள்ளே
ரத்தக்கொதிப்பு என்றொரு நிகழ்வு
தானாடாவிட்டாலும் ஆடும் சதையாய்
புத்தியை தாண்டி வரும் விளைவு
வைத்தியம் வேண்டும் தீரா வியாதி

Friday, April 1, 2011

வித்தியாசமாய்

IndiBlogger - The Indian Blogger Community
நேரங்களும் தான் நகருது வித்தியாசமாய்
றெக்கை கட்டிக்கொண்டு சில சமயங்களில்
நத்தை வேகத்தில் பிற பொழுதுகளில்
நின்றே கூட போகிறது அதிசயமாகவே

நரகம்

IndiBlogger - The Indian Blogger Community
வேண்டுமென விரும்பிய மாற்றமிதுவா
விபரீதமான விசித்திரமான விளைவா
ஆண்டாண்டு காலமாய் இங்கு ஓர் வழக்கம்
அடிமையாய் மருமகளை நடத்தும் பழக்கம்
ஆண்மகனை பெற்றவளின் அகந்தை அன்று
அடக்கியாண்டது தன் வீட்டுக்கு வந்தவளை
அன்னையிடம் நல்ல பெயர் வாங்குவாளா
அப்பாவி புதுக் கணவன் மிக வருந்தினான்
ஆனாள் பெற்றவளின்று படுவதை பார்க்கிறான்
அன்று அந்தியில்தான் கொடுமை மாமியாருக்கு
ஆரம்பம் நரகம் இன்று மாமியாரனவுடனேயே
IndiBlogger - The Indian Blogger Community