Tuesday, March 29, 2011

வெள்ளித் திரையினில்

IndiBlogger - The Indian Blogger Community
வலித்தது மிகவும்
வன்முறை பார்க்கையில்
வினயம் வெல்கையில்
வஞ்சம் சிரிக்கையில்
விரிவான விதத்திலே
வெள்ளித் திரையினில்
வக்கிரம் விரிகையில்
விடமே இவ்விருந்து

Monday, March 28, 2011

லட்சணமில்லை

IndiBlogger - The Indian Blogger Community
சொல்லலாமா உண்மையை
காப்பி நன்றாயில்லை
ஒப்பனை சரியில்லை
பையில் பணமில்லை
என் தாய் நல்லவள்
இப்படி போட்டுடைப்பது
தனக்கு லட்சணமில்லை
நல்லதே நடக்காது
பொறுமை அவசியம்
புருஷனுக்குத் தெரியும்

Sunday, March 27, 2011

வித்தகன்

IndiBlogger - The Indian Blogger Community
தலைவனானான் பழங்காவிய பாணியில்
விசிலடிக்கும் நண்பர் குழாம் உசுப்பவே
பள்ளிக்கூடப் பிள்ளையை தொடர்ந்தான்
அயராது மாறன் கணைகளை தொடுத்தான்
அருமையான பல நவீன வழிகளின்றிருக்க
அரும்பிய மீசை வயதுக்கு வந்ததைச் சொல்ல
விளையாடுகிறான் பிருந்தாவனக் கண்ணன்
வீரமான விவரமான வித்தகன் களிப்புடனே

சொந்தம்

IndiBlogger - The Indian Blogger Community
சொந்தம் சுருங்கித்தான் போனதின்று
ஒரு பிள்ளை பெறுவதே பெரும்பாடு
அண்ணா தங்கை அத்தை பெரியப்பா என்ற
ஆலமரக் கிளைகள் விழுதுகள் தொலைந்து
பனை மரங்கள் ஆகி நிழலின்றி வாடுது
பாலைவனமாய் புதிய சமுதாயம் ஒன்று

Saturday, March 26, 2011

மனிதம்

IndiBlogger - The Indian Blogger Community
மனிதம் என்றும் புதிர்தானோ
மாட மாளிகை பிடிக்காதோ
மண் குடிசையில் தழைக்குமோ
கணக்குப் போட தெரியாதோ
அடித்த கையை வருடுமோ
அழுத கண்ணை துடைக்குமோ
உடுக்கை இழந்தவன் கை போலே
ஒடி வந்து உதவுமோ உருகுமோ
பலனை எண்ணாத பரோபகாரமோ
என்றும் ஒரு கண்ணோடு சேர்ந்தழும்
மறு கண்ணின் இயல்பின் குணமோ
வற்றாத உயிர்மையின் ஊற்றோ

Friday, March 25, 2011

கர்வம்

IndiBlogger - The Indian Blogger Community
தெரியாதா சாத்திர நூல்கள் உரைகள்
வேத பாடங்கள் மேதாவி விளக்கங்கள்
வினவினான் பண்டிதன் பாமர படகோட்டியை
அவனோ படகில் பழுது நீந்த்த்தெரிந்தால்
உம் உயிர் உமக்கு என்று அறிவித்தான்
அந்தோ மூழ்கியது கர்வம் பரிதாபமாய்

Wednesday, March 23, 2011

முழுதாய்

IndiBlogger - The Indian Blogger Community
வா வழி காட்டுவேன்
தா பெருக்கித் தருவேன்
சொல் விளங்கிக் கொள்வேன்
பார் திறந்து வைத்தேன்
பாதியாய் நானிருப்பேன்
முழுதாய் மாற்றுவேன்

Tuesday, March 22, 2011

திரிசங்கு சொர்க்கம்

IndiBlogger - The Indian Blogger Community
மனம் இப்படி துவழுமா
சோகக் கடலில் மூழ்குமா
நிலை கொள்ளாது தவிக்குமா
தரையில் மீனாய் துள்ளுமா
கண் துயிலாது வெம்புமா
கருகிப் போகுது பயிரு
தொக்கி நிக்குது கவிதை
காத்துக்கிடக்கு மெயிலு
தொங்கிப்போகுது தொடர்பு
தொலைத்தொடர்பே காப்பாத்து
தொல்லை தீராத அலையா
திரிசங்கு சொர்க்கம் எனதா

Monday, March 21, 2011

நதி

IndiBlogger - The Indian Blogger Community
அப்படி ஒரு கனவு
எப்படி வந்ததெனக்கு
இப்படி ஒரு மலைப்பு
மறுபடி வ்ருமா நேற்று
பழகிய பழைய வீடு
பசுமையான நினைவு
நாடோடியாய் ஓடிய நதி
நெருங்கிவிட்டது கடலை

Sunday, March 20, 2011

விடியும்

IndiBlogger - The Indian Blogger Community
உண்டு உண்மை என்று ஒன்று
ஓரமாய் அது நின்று கொண்டு
ஊமையாய் வேடிக்கை பார்க்க
வேடம் பூண்டு பொய்யதுவும்
பலரும் பார்க்க ஆட்டம் காட்டி
பாய்ந்து ஆடி ஓய்ந்த வேளை
பொல பொலவென விடியும்

எச்சரிக்கை

IndiBlogger - The Indian Blogger Community
நெருடலாக உறுத்திடும்
பல்லுக்குள் துணுக்காக
சாதத்தில் சிறு கல்லாக
கண்ணியமாய் பேசும் கனவான்
பார்வையில் ஒரு கள்ளம்
பூடகமாய் வரும் எகத்தாளம்
பெண்ணே தேவை எச்சரிக்கை

Saturday, March 19, 2011

வசியம்

IndiBlogger - The Indian Blogger Community
அவள் பைத்தியமாகிப் போனாளே
புத்தியை முழுதாய் தொலைத்தாளே
பற்றை விட வேண்டிய வயதிலே
பற்றிக்கொண்டாளே போதை ஒன்றை
பழுதென்றால் தடங்கலென்றால்
பொழுது போகாமல் தவிப்பாளே
பறி கொடுத்த நிலை கொள்வாளே
புது யுக வசியம் இந்த இணையமே

Friday, March 18, 2011

தன்னம்பிக்கை

IndiBlogger - The Indian Blogger Community
தன்னம்பிக்கை தருமே
தடை வெல்லும் வேகம்
தணியாததோர் உற்சாகம்
திருவினையாக்கும் ஆக்கம்
துணையாய் கையிலிருக்க
துவழ்வதோ தடுமாறுவதோ
தோணியின் துடுப்பாயிருக்க
தொடுவானம் கூட தூரமோ

Thursday, March 17, 2011

ஞானக்குருடனாய்

IndiBlogger - The Indian Blogger Community
தோன்றியது என்னவோ சொர்க்கபூமியாகத்தான்
வனங்களும் வளங்களும் பொங்கி வழிந்தோட
நீரும் நிலமும் கடலும் மலையும் உயிர்களுமாய்
ஆதாமும் ஏவாளும் பல கோடியாய் பெருகிய பின்
ஆணவமும் சுயநலமும் பெருக கேடுகளும் பெருக
இயற்கையோடு இயைந்து வாழாத மனிதன் இன்று
ஞானக்குருடனாய் அழிகிறான் அடக்கியாழ நினைத்த
அந்த அரிய சக்திகள் அடங்காமல் சீறி எழுவதனால்

Wednesday, March 16, 2011

மறந்து போகுதே

IndiBlogger - The Indian Blogger Community
நினைவில் நிற்குது பழைய செய்யுள் வரிகள்
பால்ய வயதில் நடந்த ஆயிரம் சம்பவங்கள்
பழகிய பல்வேறு முகங்கள் குரல்கள் இடங்கள்
மறந்து போகுதே நேற்று கேட்டது பார்த்தது

Tuesday, March 15, 2011

அந்திம பொழுதுகள்

IndiBlogger - The Indian Blogger Community
கலங்கின நினைவுகள்
கலைந்தன கனவுகள்
விலகின திரைகள்
விழித்தன கண்கள்
நீண்டன நிழல்கள்
அந்திம பொழுதுகள்

Monday, March 14, 2011

மாயாலோகம்

IndiBlogger - The Indian Blogger Community
வாழ்க இந்த மாயாலோகம்
வலம் வர எத்தனை வழி
வசதியாய் ஒரு முகமூடி
வேண்டாம் உண்மை முகவரி
வளரும் முகம் பாரா நட்பு
சோழனும் ஆந்தையாரும் தூசு

Sunday, March 13, 2011

அப்படித்தான்

IndiBlogger - The Indian Blogger Community
அப்படித்தான் நடக்கவேண்டும் என்று இருந்தால்
அப்படித்தான் நடந்தே தீரும் நிச்சயமாய்
அப்படித்தான் நடக்குமென்று சொல்லும் உள்ளுணர்வு
அதிசயமாய் சிலருக்கு வாய்த்த ஏழாம் அறிவு
அப்படித்தான் நடக்கவேண்டும் என்று எண்ணுவது
அப்பட்டமான பிடிவாதம் அல்லது பேராசை
ஆளப்பிறந்தவர்கள் திறமையாகும் பல நேரம்
ஆக்கமுடன் முயல்பவர்கள் சாதனை பெருகட்டும்

Saturday, March 12, 2011

நலன்

IndiBlogger - The Indian Blogger Community
நலன் என்பதை நினைத்தால்
நல் விவேகம் இருந்தால்
பயிருக்கு வேலி வேண்டும்
காத்திருக்கு வெள்ளாடு
நட்பிற்கு வரம்பு வேண்டும்
கள்ளம் புக வழியிருக்கு
ஆசைக்கு எல்லை வேண்டும்
போதுமென்பது பொன் மருந்து

Thursday, March 10, 2011

காற்றாய் மனம் பறக்கையில்

IndiBlogger - The Indian Blogger Community
கொஞ்சுவேன் கூந்தலை கலைக்கும் தென்றலை
கோலத்தின் மேல் ஓடி அழிக்கும் குட்டி நாயை
கழுத்தைச் சாய்த்துப் பார்க்கும் குருவியை
கடையில் வாங்கி வந்த புதுச் சேலையை
கையில் கலகலக்கும் கண்ணாடி வளையலை
காற்றாய் மனம் பறக்கையில் இன்பமயமே

Wednesday, March 9, 2011

ஏப்ரல் ஒன்னு

IndiBlogger - The Indian Blogger Community
நிம்மதி தொலைந்தது
ஏக்கம் மிகுந்தது
பொறாமை பிறந்தது
ஆடவன் மனதினில்
மார்ச் எட்டு உலகிலே
பெண்ணை கொண்டாடும் நாள்
ஆணுக்கு ஒரு தினம்
ஒதுக்கினால் ஆகாதோ
வருத்தம் வேண்டாமடா
ஏப்ரல் ஒன்னு உனக்குத்தான்

Tuesday, March 8, 2011

பெண்

IndiBlogger - The Indian Blogger Community
பாராட்டு பெண்ணின் பிறப்புரிமை
ஏவாள் எழுதினாள் முதல் பக்கம்
தொடர்கிறது சரித்திரப் புத்தகம்
எழுதுகோல் பெண்ணின் கையில்
என்றும் மாறாத வழக்கம்
கணிக்க முடியாத கணக்கு
எப்போது எங்கு என்ன நடக்கும்
எப்போதும் தீர்மானிப்பது பெண்

Monday, March 7, 2011

சக்தி

IndiBlogger - The Indian Blogger Community
நிரம்ப மாற்றம் உலகெங்கிலும்
எங்கும் நிறைந்த சக்தியின்று
தொழுவில் கட்டிய மாடில்லை
துணிவில் துடிப்பில் ஈடில்லை
அறிவுச்சுடர் மிளிர்கிறது
அதிசயங்கள் நிகழ்கிறது
விடாத முயற்சியுண்டு
விழாத தைரியமுண்டு
குடத்தில் இட்ட விளக்கின்று
குன்றில் நின்று எரிகின்றது
தொடாத துறைகளில்லை
எட்டாத உயரங்களில்லை
எக்களமும் மிரட்டவில்லை
எத்தளமும் எட்டாததில்லை
சாதிக்கும் தங்க மங்கையர்
போதிக்கும் அரிய சமத்துவம்
அடுத்த கட்ட மனித நாகரிகம்
அழகாய் அரங்கேறும் நாளிது

Sunday, March 6, 2011

காலமே கலிகாலமே

IndiBlogger - The Indian Blogger Community
இங்கே இப்போது நடப்பதென்ன
வேங்கை ஆணை கண்டு பெண்மான்
வெருண்டது பழைய கதை அவளோ
வெகுண்டு எழுந்து வேங்கையாகி
விரட்டுகிறாள் அடக்கிய ஆணை
மானினும் மிரண்டு நிற்கிறான்
மலங்க மலங்க விழிக்கிறான்
மறந்தும் சமையல் கற்காத
மனையில் தங்க விரும்பாத
மழலையை மடியில் கொஞ்சாத
சாட்டையை சொடுக்கும் சர்க்கஸ்காரி
கொழுகொம்பை உதறும் கொடியின்று
உலக மகளிர் தினத்தில் தப்பாது
கொடி பிடிக்கும் கொள்கையெல்லாம்
கொன்றுபோடுமோ பெண்மை வரத்தை
மாதவத்தை மாண்புமிகு மகுடத்தை
மாற்றுமோ மரபணு தாய்மையை
ஆணும் பெண்ணும் ஆளத் துடிப்பதோ
அழகாய் இணைந்து வாழ நினைப்பதோ
அடுத்த தலைமுறை தலைவிதிப்படியே
காலமே கலிகாலமே கண்ணாடியாய்
காட்டு கண்ணுக்கு உறுத்தாத காட்சி
கல்லடி கிழவிக்கு கிடைக்குமென்றாலும்
சொல்லாமல் இருக்க முடியவில்லையே

Saturday, March 5, 2011

வேண்டும்

IndiBlogger - The Indian Blogger Community
வீரியம் விதைக்கு
வீரம் மாந்தர்க்கு
விவேகம் பெரியோர்க்கு
வேண்டும் கட்டாயம்

Friday, March 4, 2011

உனக்கே உனக்கு

IndiBlogger - The Indian Blogger Community
நீ நினைத்ததெல்லாம் நடந்தது
நடந்ததெல்லாம் இனித்தது
இனித்ததெல்லாம் தொடர்ந்தது
தொடர்ந்ததெல்லாம் உனக்கே உனக்கு
பலபல என விடிந்தபின் தூக்கமா
படவா எழுந்து பல்லைத் தேய்

Thursday, March 3, 2011

ஆராய்ச்சி

IndiBlogger - The Indian Blogger Community
நன்றி கேட்கிறது எங்கெங்கும்
நல்ல நாகரிகந்தான் பழகிட
உள்ளத்திலிருந்து வருகிறதா
உதட்டிலிருந்து உதிர்கிறதா
உண்மை அதிலே இருக்கிறதா
யந்திரம் போல் சொல்வதுதானோ
நழுவிவிட ஒரு யுக்திதானோ
ஆராய்ச்சி வேணா அம்மகிழ்ச்சிக்கு

Wednesday, March 2, 2011

அறுபதுகள்

IndiBlogger - The Indian Blogger Community
இல்லையே எல்லைகள்
இயல்பான ஆசைகள்
தொடராது தொல்லைகள்
துடிப்பான அறுபதுகள்

இளைய மனம்

IndiBlogger - The Indian Blogger Community
பூத்திருந்தது புதிய காலை
காத்திருந்தது செய்தித்தாள்
தித்தித்தது குடித்த காப்பி
ஈர்த்தது குறுக்கெழுத்துப் புதிர்
திறந்தது இணையப் புத்தகம்
தொடர்ந்தது குறுக்கெழுத்துப் பதிவு
அடுத்தது பண்ணை விளையாட்டு
விளைந்திருந்தது இரவு விதைத்தது
சேர்ந்திருந்தது பரிசுக் குவியல்
திளைத்திருந்தது இளைய மனம்

Tuesday, March 1, 2011

வேண்டினேன்

IndiBlogger - The Indian Blogger Community
நன்றை ஒதுக்கி
நகைக்கும் குணம்
நாகரீக மோகம்
நடுங்குது மனம்
நாளும் வளருது
நச்சு விருட்சம்
நடக்குது கூத்து
நாராச பாட்டு
நிலை தடுமாறுது
நாளைய தூண்கள்
நிலையாது போகட்டும்
நிழலாய் மறையட்டும்
நிலவின் கிரகணம்
நிதமும் வேண்டினேன்

மழை

IndiBlogger - The Indian Blogger Community
நிற்கும் என காத்திருந்தாள்
நினைக்காமல் பொழிந்த மழை
நனைய ஆசைதான் மனதில்
நிறைவான புதிய உணர்விது
கட்டிப்போடும் கடமைகளிருக்க
காதலை கடந்து போகிறாள்
IndiBlogger - The Indian Blogger Community