நான்

அல்ல அல்ல நானல்ல
தோற்பது என்றும் நானல்ல
சிறுமை என்பது எனக்கல்ல
சிறுமதி படைத்தவனே
சின்னவளை சீண்டுபவனே
நான் என்பது உடல் உனக்கு
நான் என்பது உயிர் எனக்கு
என் உயிரை தொட ஏலாதடா
உன் எல்லை சிறியதடா
புழுவல்ல நான் துடிப்பதற்கு
புல்லல்ல நான் நசுங்கிட
புழுதியாய் என்னை மிதிக்கும்
அற்பமாய் என்னை மதிக்கும்
ஆணவ ஆண் மிருகமே
ஒட்டாத உயிரை அறியாது
உரிமை கொண்டாடுகிறாய்
எக்காளமிடுகிறாய் பதரே
தள்ளி நிற்கும் தண்டவாளமடா
தாமரை இலை தண்ணீரடா
தாலிக்காக பொறுத்தேனா
வேலிக்காக இருப்பேனா
பெண் கர்வம் காத்தேனா
சோதிக்காதே தாங்கமாட்டாய்
விஸ்வரூபம் நான் எடுத்தால்